Իսրայելն ու ԱՄՆ-ն խախտել են միջազգային իրավունքը․ Լավրով
Ռիո դե Ժանեյրոյի գագաթնաժողովում BRICS-ի երկրները միասնական էին այն կարծիքին, որ Իսրայելի և ԱՄՆ-ի կողմից Իրանի վրա հարվածները անընդունելի են: Այս մասին հայտարարել է Ռուսաստանի արտաքին գործերի նախարար Սերգեյ Լավրովը գագաթնաժողովից հետո կայացած մամուլի ասուլիսում, գրում է «ՏԱՍՍ»-ը։
«Եթե խոսենք միջազգային օրակարգի կոնկրետ ասպեկտների մասին, ապա միաձայն կարծիք կար Իրանի տարածքին Իսրայելի և Ամերիկայի կողմից հասցված հարվածների անընդունելիության մասին, որոնք իրականացվել են միջազգային իրավունքի խախտմամբ, ՄԱԿ-ի կանոնադրության խախտմամբ, Միջազգային ատոմային էներգիայի գործակալության միջոցով կնքված երաշխիքների համաձայնագրերի խախտմամբ», - ասել է Ռուսաստանի արտգործնախարարը։
