Մանրամասներ՝ 31 երթուղու ավտոբուսի վթարից տուժածների վիճակի մասին

Երևանում ավտոբուսի վթարից տուժած 3 քաղաքացիների առողջական վիճակը գնահատվում է բավարար։ Այս մասին Sputnik Արմենիային հայտնել են առողջապահության նախարարությունից:

Տուժածներից մեկը, բուժօգնություն ստանալով, դուրս է գրվել ԲԿ-ից, երկուսը դուրս կգրվեն առաջիկայում:

Հիշեցնենք՝ ժամը 09:00-ի սահմաններում Երևանի քաղաքապետարանի հաշվեկշռում հաշվառված թիվ 31 երթուղին սպասարկող «Zhongtong» ավտոբուսը Մյասնիկյան պողոտայից դեպի Գայի պողոտա ընթանալիս՝ Գայի պողոտայի սկզբնամասում, դեռևս անհայտ հանգամանքներում, բախվել էր բետոնե եզրաքարին, ապա երկաթե էլեկտրասյանը։