Թաքեր Կարլսոնը հարցազրույց է վերցրել Իրանի նախագահից
Ամերիկացի լրագրող Թաքեր Կարլսոնը սոցիալական ցանցերում հայտարարել է, որ հարցազրույց է վերցրել Իրանի նախագահ Մասուդ Փեզեշքիանից։
«Մենք հենց նոր ավարտեցինք Մասուդ Փեզեշքիանի հետ հարցազրույցը, որի հետ մենք պատերազմի մեջ էինք ընդամենը մեկուկես շաբաթ առաջ», - ասել է նա տեսաուղերձում։
Լրագրողի խոսքով՝ հարցազրույցի նպատակն է փորձել նախագահից պարզել, թե ինչպես է Իրանը պլանավորում կառուցել հարաբերություններ Իսրայելի և Միացյալ Նահանգների հետ։
Նախկինում Կարլսոնը «War Room» փոդքասթում իր ելույթի ժամանակ ասել էր, որ Միացյալ Նահանգներին Իրանի հետ զինված հակամարտության մեջ ներքաշելը կարող է հանգեցնել ամերիկայի փլուզմանը։
