Թրամփը հայտարարություն է տարածել
ԱՄՆ նախագահ Դոնալդ Թրամփը հայտարարել է, որ Իրանը պատրաստ է իր հետ ուղիղ բանակցությունների: Այս մասին հաղորդում է ՌԻԱ Նովոստին։
«Իրանը ցանկանում է խոսել, և կարծում եմ, որ նրանք կցանկանային խոսել ինձ հետ: Եվ ժամանակն է, որ նրանք դա անեն: Մենք չենք ուզում նրանց վնասել, մենք ուզում ենք թույլ տալ, որ նրանք կրկին երկիր լինեն», - լրագրողների հետ զրույցում ասել է ամերիկացի առաջնորդը։
Հուլիսի 3-ին Axios պորտալը, հղում անելով աղբյուրներին, հայտնել է, որ ԱՄՆ նախագահի հատուկ դեսպան Սթիվ Ուիտկոֆը նախատեսում է հաջորդ շաբաթ Նորվեգիայում հանդիպել Իրանի արտգործնախարար Աբբաս Արաղչիի հետ: Հրատարակության տվյալներով՝ հանդիպման ճշգրիտ ամսաթիվը դեռևս որոշված չէ: Նշվում է, որ Ուիտկոֆը և Արաղչին ուղիղ երկխոսության մեջ են Իրանի և Իսրայելի միջև լարվածության սրման ժամանակ։
