Ռուսաստանի ՊՆ-ն հայտարարություն է տարածել
Ռուսաստանը վերադարձրել է զինծառայողների ևս մեկ խումբ՝ Ստամբուլում ձեռք բերված պայմանավորվածությունների արդյունքում։ Փոխանակման արդյունքում հանձնվել է Ուկրաինայի զինված ուժերի ռազմագերիների մի խումբ, այս մասին հայտնում է Ռուսաստանի պաշտպանության նախարարությունը, փոխանցում է «ՏԱՍՍ»-ը։
«Ստամբուլում ձեռք բերված ռուս-ուկրաինական պայմանավորվածությունների համաձայն, Կիևի ռեժիմի կողմից վերահսկվող տարածքից վերադարձվեց ռուս զինծառայողների ևս մեկ խումբ։ Դրա դիմաց Ուկրաինայի զինված ուժերի ռազմագերիների մի խումբ տեղափոխվեց», - հաղորդել է Ռուսաստանի ռազմական գերատեսչությունը։
Նրանք մանրամասնել են, որ ռուս զինծառայողները գտնվում են Բելառուսում, նրանց բժշկական օգնություն է ցուցաբերվում, որից հետո նրանք կտեղափոխվեն Ռուսաստանի Դաշնություն՝ բուժման և վերականգնողական բուժման համար։
