Պուտինն է իրականում որոշումներ կայացնում. Զելենսկի
ԱՄՆ նախագահ Դոնալդ Թրամփը և Վլադիմիր Պուտինը քիչ ընդհանուր թեմաներ ունեն զրույցի համար, սակայն Ուկրաինան աջակցում է ամերիկացի առաջնորդի անվերապահ հրադադարի գաղափարին։ Այս մասին հայտնել է Ուկրաինայի նախագահ Վլադիմիր Զելենսկին:
Նախագահը հիշեցրել է, որ Ուկրաինան պատրաստ է հանդիպման ցանկացած ձևաչափի։
«Եվ ես կարծում եմ, որ Ռուսաստանում միայն Պուտինն է իրականում որոշումներ կայացնում։ Ահա թե ինչու մեզ անհրաժեշտ է հանդիպում առաջնորդների մակարդակով։ Մենք իսկապես խաղաղություն ենք ուզում», - ընդգծել է Զելենսկին։
Հավելենք, որ ԱՄՆ նախագահ Դոնալդ Թրամփն այսօր հեռախոսազրույց կունենա Վլադիմիր Պուտինի հետ։
