Ամերիկան կոչ է արել իր քաղաքացիներին չայցելել այդ երկիր, կամ լքել այն

Միացյալ Նահանգները կոչ է արել իր քաղաքացիներին զերծ մնալ Իրան մեկնելուց՝ ահաբեկչության, անկարգությունների, առևանգումների և ձերբակալությունների բարձր ռիսկի պատճառով։ Այս մասին ասվում է Իրանում ԱՄՆ դեսպանատան կայքում։

«Իրանի օդային տարածքը մասամբ բաց է հուլիսի 2-ից։ Այնուամենայնիվ, կարող են խափանումներ լինել Թեհրանից և այլ քաղաքներից առևտրային չվերթների հարցում։ ԱՄՆ քաղաքացիները կարող են ցամաքային ճանապարհով հատել սահմանը՝ մեկնելով Ադրբեջան, Հայաստան, Թուրքիա կամ Թուրքմենստան», - ասվում է հայտարարության մեջ։

Դեսպանատան կողմից հրապարակված հայտարարության համաձայն՝ «ԱՄՆ քաղաքացիները ցանկալի է այս ընթացքում չմեկնեն Իրանի Իսլամական Հանրապետություն, իսկ եթե գտնվում են այդ երկրի տարածքում, ցանկալի է զգոն և ուշադիր լինեն»։