ԱՄՆ-ն անընդունելի է համարում Իրանի այդ որոշումը. Պետդեպ

ԱՄՆ-ն անընդունելի է համարում Իրանի համագործակցության կասեցումը Ատոմային էներգիայի միջազգային գործակալության ՄԱԳԱՏԷ-ի հետ։ Այս մասին հայտնել է Պետդեպի պաշտոնական ներկայացուցիչ Թեմի Բրյուսը:

«Մենք օգտագործում ենք «անընդունելի» բառը, որ Իրանը որոշել է կասեցնել համագործակցությունը ՄԱԳԱՏԷ-ի հետ»,- ասել է Պետդեպի պաշտոնական ներկայացուցիչը:

Բրյուսն ավելացրել է, որ Վաշինգտոնը անհապաղ պահանջում է Թեհրանից վերականգնել համագործակցությունը:

Հիշեցնենք՝ Իրանի արտաքին գործերի նախարար Աբբաս Արաղչին ավելի վաղ հայտարարել էր, որ ՄԱԳԱՏԷ -ի գլխավոր տնօրեն Ռաֆայել Գրոսիի՝ հարվածի ենթարկված իրանական միջուկային ծրագրի օբյեկտները ստուգելու ցանկությունն անիմաստ է և կարող է չարամիտ մտադրություն ունենալ։ Նա նշել է, որ Իրանի խորհրդարանը որոշել է կասեցնել Իսլամական Հանրապետության և ՄԱԳԱՏԷ-ի միջև համագործակցությունը։