Մոսկվան Հայաստանից դա է ակնկալում․ հրաժարվելը օգուտ չի բերի ժողովրդին․ Լավրով

Ռուսաստանը շահագրգռված է այնտեղ ստեղծված իրավիճակի հնարավորինս շուտ կարգավորմամբ։ Այս մասին հայտարարել է Ռուսաստանի արտգործնախարար Սերգեյ Լավրովը, գրում է «Ռիա Նովոստի»-ն։

«ՀԱՊԿ-ի արտաքին գործերի նախարարները նկատեցին իրենց հայ գործընկերոջ բացակայությունը հանդիպմանը, սակայն Երևանը շարունակում է մնալ կազմակերպության լիիրավ անդամ։ Մոսկվան Հայաստանից ակնկալում է պարզություն բոլոր հարցերում, բայց եթե նա հրաժարվի իր դաշնակիցներից, դա քիչ հավանական է, որ օգուտ բերի ժողովրդին»,- ասել է Լավրովը։ 

Հավելենք՝ ՀՀ Արտաքին գործերի նախարար Արարատ Միրզոյանը չի մասնակցել Ղրղզստանում կայանալիք Հավաքական անվտանգության պայմանագրի կազմակերպություն (ՀԱՊԿ) արտաքին գործերի նախարարների խորհրդին։