Իրանի ԱԳՆ-ն՝ հայ-ադրբեջանական խաղաղության համաձայնագրի մասին
Իրանը աջակցում է հայ-ադրբեջանական խաղաղության համաձայնագրին։ Այս մասին մամուլիս ասուլիսում հայտարարել է Իրանի արտաքին գործերի նախարարության խոսնակ Իսմայիլ Բաղաին, գրում է Tasnim-ին գործակալությունը։
«Ինչ վերաբերում է Հայաստանի և Ադրբեջանի Հանրապետության հարցին, մենք միշտ ընդգծել ենք երկու երկրների միջև խաղաղության գործընթացին աջակցելը և խրախուսել ենք երկու կողմերին էլ հնարավորինս շուտ ստորագրել խաղաղության համաձայնագիր։ Հարավային Կովկասի տարածաշրջանում խաղաղությունն ու կայունությունը ռազմավարական նշանակություն ունեն Իրանի Իսլամական Հանրապետության համար։
Մենք լավ և հավասարակշռված հարաբերություններ ունենք երկու երկրների՝ Հայաստանի և Ադրբեջանի Հանրապետության հետ, և մենք շեշտում ենք բարիդրացիական քաղաքականության շարունակականությունը», - նշել է Իրանի արտաքին գործերի նախարարության պաշտոնյան։
