Գալստանյանը խոստովանեց՝ ձայնագրությունները իրական են. Գաբրիելյան

ԱԺ ՔՊ խմբակցության պատգամավոր Սիսակ Գաբրիելյանը ֆեյսբուքում գրել է.

«Գալստանյանը դատարանում խոստովանեց՝ ձայնագրությունները իրական են։ Ոչ մի AI գործիք՝ իր խոսքերն են, իր ձայնը։ Իսկ փաստաբանը, հղում անելով այդ ահաբեկչական խոսակցությանը, հայտարարում է, թե ձայնագրություններից մեկում կա «կախարդական» բառ՝ «իմպիչմենթ», որն, իբր, Բագրատին սրբի պես անմեղ է դարձնում։ Այսինքն՝ մի քանի մարդու կարող ես գյուլել, ուղևորներ տեղափոխող ավտոբուսներ վառել, ամեն ինչ քանդել-փշրել կարելի է, եթե վերջում ասես «իմպիչմենթ»»։

Գալստանյանի փաստաբանը Radar Armenia-ի հետ զրույցում հերքել է այս տեղեկությունը, սակայն, ըստ տեղեկությունների, ձայնագրությունների իսկությունը փակ նիստում չի վիճարկվել։