Պեսկովը՝ Փաշինյանի հայտարարությունների մասին

ՌԴ նախագահի մամուլի խոսնակ Դմիտրի Պեսկովն անդրադարձել է Հայաստանում պետական հեղաշրջում իրականացնելու վերաբերյալ ՀՀ վարչապետ Նիկոլ Փաշինյանի հայտարարություններին:

«Փաշինյանի հայտարարությունը՝ Հայաստանում պետական հեղաշրջման փորձը կանխելու մասին, Երևանի ներքին գործն է»,- ասել է նա։

Պեսկովի խոսքով՝ Մոսկվան շահագրգռված է, որ Երևանում պահպանվի օրինականություն, և Հայաստանը լինի բարգավաճող երկիր՝ բարեկամական Ռուսաստանի հետ:

Ավելի վաղ Նիկոլ Փաշինյանը հայտարարել էր, որ հանրապետության իրավապահ մարմինները կանխել են իշխանության բռնի զավթման հնարավոր փորձ, որը ծրագրել էին ընդդիմադիր «Սրբազան պայքար» շարժման մասնակիցները։