Իրանը որոշել է փակել Հորմուզի նեղուցը

Իրանի խորհրդարանը որոշել է փակել Հորմուզի նեղուցը։ Նրանք սպասում են իսլամական առաջնորդ Այաթոլլահ Խամենեիի վերջնական հաստատմանը, այս մասին է հայտնում Իրանի հեղափոխության պահապանների կորպուսը:

Հիշեցնենք, որ Իսրայելի հարձակումներից հետո Իրանը քննարկում էր Հորմուզի նեղուցը փակելու հնարավորությունը, հայտարարել է Իրանի խորհրդարանի ազգային անվտանգության և արտաքին քաղաքականության հանձնաժողովի անդամ Էսմայիլ Կոսարին։

«Հորմուզի նեղուցը փակելու տարբերակը այժմ քննարկվում է, և Իրանը չի վարանի որոշում կայացնել»,- նրա խոսքերն է մեջբերել Rokna հարթակը։

Նշենք, որ Հորմուզի նեղուցով է անցնում հեղուկ բնական գազի համաշխարհային մատակարարումների մինչև 30%-ը և նավթի ու նավթամթերքի՝ մինչև 20%-ը։

Իրանի իշխանությունները ավելի վաղ էլ զգուշացրել էին, որ կարող են սահմանափակել նավագնացությունը Հորմուզի նեղուցում, եթե ազգային անվտանգությանը վտանգ սպառնա։