Ողբերգություն Բրազիլիայում․ օդապարիկը բռնկվել և ընկել է․ կան զոհեր
Բրազիլիայում 22 մարդ տեղափոխող օդապարիկն ընկել է օդում այրվելու պատճառով: Զոհվել է առնվազն ութ մարդ։ Այս մասին հայտնում է «Մետրոպոլիս»-ը։
Նշվում է, որ՝ կան այլ զոհեր, սակայն նրանց ճշգրիտ թիվը դեռևս հաստատված չէ։ Օդապարիկի ներսում 22 մարդ կար։
Հավելենք՝ վթարը տեղի է ունեցել Սանտա Կատարինա նահանգում հունիսի 21-ի շաբաթ առավոտյան՝ օդապարիկներով թռիչքների համար հայտնի տարածքում։ Թռիչքը տեղի է ունեցել Պրայա Գրանդե քաղաքի վրայով, որը հայտնի է որպես «կիրճերի մայրաքաղաք» և «օդաչու թռիչքների մայրաքաղաք»։
Սոցիալական ցանցերում հայտնվել է տեսանյութ, որտեղ երևում է, թե ինչպես է օդապարիկը բռնկվում և ընկնում։ Կադրերում երևում է, թե ինչպես է օդապարիկը այրվում օդում, ապա զամբյուղը ընկնում և հարվածում գետնին։
Պատճառները դեռ հայտնի չեն: Երկու ուղևորներին փրկել են, մյուսներին դեռ փնտրում են։
