Զոհեր, վիրավորներ՝ Հարավային Աֆրիկայում ձյան և ջրհեղեղների հետևանքով
Հարավային Աֆրիկայում ձյան առատ տեղումների և ջրհեղեղների հետևանքով զոհվել է առնվազն 49 մարդ, այդ թվում՝ երեխաներ, որոնց դպրոցական ավտոբուսը քշել-տարել է հեղեղը, հայտնում է CNN-ը:
Հարավային Աֆրիկայի որոշ հատվածներում ուժեղ ցիկլոն է թափանցել՝ բերելով անձրևներ և ձյուն, ինչպես նաև առաջացնելով ջրհեղեղներ։ Մարզային իշխանությունների տվյալներով՝ Արևելյան Քեյփում, որն ամենաշատ տուժած նահանգներից մեկն է, ջրհեղեղը բազմաթիվ մարդկանց ստիպել է լքել տները՝ առաջացնելով էլեկտրաէներգիայի անջատումներ և մեծ խցանումներ:
