Իրանի գերագույն առաջնորդը իրավահաջորդներ է ընտրել․ մահափորձի դեպքում կփոխարինեն նրան
Իրանի գերագույն առաջնորդ Այաթոլլա Ալի Խամենեին ընտրել է երեք թեկնածուների, որոնք կզբաղեցնեն իր պաշտոնը մահափորձի դեպքում, հաղորդում է New York Times-ը՝ հղում անելով Թեհրանում իր աղբյուրներին։
«Երբ երկիրը պատերազմի մեջ է, Այաթոլլան ցանկանում է ապահովել արագ, կարգավորված անցում և պահպանել իր ժառանգությունը», - ասվում է հոդվածում։
Աղբյուրների համաձայն՝ Խամենեին ներկայումս թաքնված է իր ստորգետնյա բունկերում և իր հրամանատարների հետ հիմնականում շփվում է վստահելի անձի միջոցով։ Հաղորդագրության մեջ ասվում է, որ գերագույն առաջնորդը դիտավորյալ հետաձգում է իր էլեկտրոնային հաղորդակցությունները՝ թշնամու համար դժվարացնելով նրան հայտնաբերելը։
Մինչ այս, լրատվամիջոցները գրել էին, որ Ալի Խամենեին տեղափոխվել է հատուկ պահպանվող վայր՝ գաղտնի էլիտար ստորաբաժանման պաշտպանության ներքո։
Ավելի վաղ Թեհրանում հզոր պայթյուն էր որոտացել՝ Ալի Խամենեիի հնարավոր բունկերի տարածքում։
