ԱՄՆ-ն Միջերկրական ծովում տեղակայել է հինգ հրթիռային ականակիր

Միացյալ Նահանգները Միջերկրական ծովում տեղակայել է հինգ հրթիռային ականակիր՝ հակահրթիռային պաշտպանությամբ։ Այս մասին հրապարակում է արել  USNI News ռազմածովային հրատարակությունը՝ հղում անելով ռազմական աղբյուրին։

«Միացյալ Նահանգները Միջերկրական ծովում տեղակայել է հակահրթիռային զենքերով հագեցած հինգ կառավարվող հրթիռային ականակիր», - ասվում է հրատարակության հոդվածում։

Աղբյուրի տվյալներով՝ Իսպանիայի Ռոտա ռազմածովային բազայում տեղակայված երկու ականակիր՝ USS Paul Ignatius-ը և USS Oscar Austin-ը, մտել են Միջերկրական ծով ՝ միանալով երեք այլ նավերի՝ USS Arleigh Burke-ին, USS Thomas Hudner-ին և USS The Sullivans-ին։

Նշվում է, որ բոլոր հինգ ականակիրներն էլ կարող են որսալ բալիստիկ հրթիռներ։