Իրանը պատասխան հարվածներ է հասցնում․ Իրանի ԱԳՆ
Իրանը հարվածում է բացառապես Իսրայելի ռազմական և հետախուզական օբյեկտներին, ու կենտրոններին: Այս մասին հայտարարել է իսլամական հանրապետության արտաքին գործերի փոխնախարար Սայիդ Խաթիբզադեն:
«Մենք պատասխան հարձակում չենք կատարում: Մեզ վրա հարձակվել են, և մենք պատասխանում ենք ինքնապաշտպանության օրինական իրավունքին համապատասխան: Մենք հրթիռներով հարվածներ ենք հասցրել միայն ռազմական և հետախուզական օբյեկտներին, ինչպես նաև այն կենտրոններին, որոնք ղեկավարում են ագրեսիան»,- ասել է նախարարը։
«Եթե այդ հարձակումները դադարեն, ապա ընտրությունը կկատարվի դիվանագիտության օգտին», - հավելել է նա:
Հավելենք՝ ավելի վաղ հայտնել էինք, որ Իսրայելի պաշտպանության ուժերը (IDF) ներկայումս հարվածներ են հասցնում Իրանի արևմտյան և կենտրոնական հատվածներում տեղակայված ռազմական թիրախներին:
