Իրանն օգտագործեց նորագույն hրթիռ․ Իսրայելի ԶՈՒ-ն խուճապի մեջ է
Իրանն Իսրայելի հարվածելու ժամանակ օգտագործել է նորագույն հրթիռ, որն իսրայելական բանակը չի կարողացել հայտնաբերել մինչև թիրախին հասնելը, հայտարարել է Իսլամական Հանրապետության պաշտպանության նախարարությունը։ Այս մասին հաղորդում է Tasnim գործակալությունը։
«Սիոնիստական ռեժիմի, այսինքն Իսրայելի վրա Զինված ուժերի այսօրվա հարձակման ժամանակ կիրառվել է նոր հրթիռ, որը, ինչպես ասել են սիոնիստները, նրանք նույնիսկ չեն նկատել հարվածելուց առաջ», - ասվում է պաշտպանության նախարարության հայտարարության մեջ։
Ավելի վաղ Իսլամական Հանրապետության բանակի ցամաքային ուժերի հրամանատար, գեներալ-մայոր Կիյումարս Հեյդարին հայտարարել էր, որ Իրանը «առաջադեմ զենքով» և հարյուրավոր հարձակողական անօդաչու թռչող սարքերի օգտագործմամբ հարձակվել է Թել Ավիվի, Հայֆայի և Իսրայելի այլ ռազմական թիրախների վրա և պլանավորում է առաջիկա ժամերին ակտիվացնել հարձակումները։
