Իսրայելի հարվածներից հետո Իրանի միջուկային ծրագրի մեծ մասը մնաց անձեռնմխելի

Իսրայելի հարվածներից հետո Իրանի միջուկային ծրագրի մեծ մասը մնաց անձեռնմխելի: 

Այսօր գրել է New York Times-ը: 

Մասնավորապես, իրանական միջուկային օբյեկտների վրա հարձակումը չի ազդել Սպահանի միջուկային վառելիքի հիմնական պահեստի վրա: Սա Իրանի ամենամեծ միջուկային համալիրներից մեկն , և այն չի ռմբակոծվել՝ չնայած ուրանի հարստացման ծրագրում իր կարևոր դերին:

Հարձակումների երկրորդ փուլում Իսրայելը հարվածել է Սպահանի այլ վայրերին՝ լաբորատորիաներին, որտեղ աշխատում էին ուրանը մետաղի վերածելու վրա, բայց հարստացված վառելիքի պաշարների տարածքը մնացել է անձեռնմխելի: 

Մասնագետները կարծում են, որ սա կարող էր գիտակցված որոշում լինել: Հնարավոր պատճառների թվում են հարվածի դեպքում ճառագայթային աղտոտման վախը կամ այն ​​սպասումը, որ Իրանը կամավոր կհրաժարվի վառելիքից:

Աղբյուրների համաձայն, այս պաշարը Թեհրանի համար միջուկային զենք ստեղծելու ամենամոտ ճանապարհն է:

Եվ Իրանը դեռևս ունի հարստացման հզորություն: Նույնիսկ եթե Նաթանզի օբյեկտը մշտապես անջատվի, Իրանը կարող է հարստացված ուրանը տեղափոխել Ֆորդոյի օբյեկտ, որը գտնվում է խորը գետնի տակ: