Իրաքը բողոք է ներկայացրել Իսրայելի դեմ
Իրաքը պաշտոնական բողոք է ներկայացրել ՄԱԿ-ի Անվտանգության խորհրդին Իսրայելի կողմից իր օդային տարածքը խախտելու և Իրանին հարվածներ հասցնելու համար, ասվում է Իրաքի արտաքին գործերի նախարարության հայտարարության մեջ լրագրողներին։
«Իրաքի Հանրապետությունը բողոք է ներկայացրել ՄԱԿ-ի Անվտանգության խորհուրդ՝ խստորեն դատապարտելով իսրայելական կազմավորման կողմից Իրաքի օդային տարածքը խախտելը և տարածաշրջանում ռազմական հարձակումներ իրականացնելու համար դրա օգտագործումը», - նշել է նախարարությունը։
Հաղորդագրության մեջ ասվում է, որ այս գործողությունները «Իրաքի ինքնիշխանության կոպիտ խախտում» են, ինչպես նաև միջազգային իրավունքի և ՄԱԿ-ի կանոնադրության խախտում, մասնավորապես՝ «պետությունների ինքնիշխանության հարգանքի և նրանց ներքին գործերին չմիջամտելու» սկզբունքների խախտում։
