«Իմ կյանքի նախորդ ընթացքը, չեմ խմբագրելու». Խուդաթյանը՝ Արցախի հետ կապված գրառման մասին
Տարածքային կառավարման և ենթակառուցվածքների նախարար Դավիթ Խուդաթյանը չի պատրաստվում խմբագրել իր կյանքի նախորդ ընթացքը, երբ 2019 թվականին գրել էր՝ «Արցախը Հայաստան է և վե՛րջ, տոնդ շնորհավոր, Արցա՛խ»։
«Այդ շրջանակներին թվում է, որ ես պետք է խմբագրե՞մ իմ կյանքի նախորդ ընթացքը, չեմ խմբագրելու»,- լրագրողների հետ զրույցում ասաց նա։
Հարցին՝ հիմա՞ էլ է պնդում, որ «Արցախը Հայաստան է և վե՛րջ»՝ նա արձագանքեց. «Նոր իրողությունների մասով դուք գիտեք, ավելացնելու բան չունեմ»։
Լրատվամիջոցների փոխանցմամբ՝ Խուդաթյանը շրջանցել է Արցախի վերաբերյալ մյուս հարցերը։
