Զոհեր, տասնյակ վիրավորներ՝ Խարկովում
Ռուսական անօդաչու թռչող սարքերի հարվածները Ուկրաինայի Խարկով քաղաքի երկու շրջաններում երկու մարդու կյանք են խլել: Հունիսի 11-ի առավոտյան հասցած հարվածների հետևանքով տասնյակ վիրավորներ կան, հայտնել է Խարկովի քաղաքապետը։ Այս մասին հայտնում է «ՌԲԿ Ուկրաինա»-ն։
Իգոր Տերեխովը նշել է, որ արձանագրվել է 17 անօդաչու սարքի հարված, որոնցից մի քանիսը ուղիղ հարվածել են բազմաբնակարան շենքերին, մասնավոր տներին, խաղահրապարակներին, ձեռնարկություններին և հասարակական տրանսպորտին։
«Ինտենսիվ հարվածների արդյունքում հրդեհ է բռնկվել հինգհարկանի շենքի 15 բաժանմունքում Սլոբիդսկու շրջանում, մի քանի տներ են վնասվել Օսնովյանսկու շրջանում»,- ասել է Խարկովի քաղաքապետը։
Լրատվամիջոցը հայտնում է՝ չնայած հակամարտությունը դադարեցնելու բանակցություններին, որոնք մինչ այժմ արդյունք չեն տվել, Ռուսաստանը սաստկացրել է Ուկրաինայի դեմ ռմբակոծությունները:
