Նոր մանրամասներ և կադրեր՝ Ճամբարակի պայթյունից

Ճամբարակ քաղաքի Գարեգին Նժդեհի փողոցի շենքերից մեկի բնակարաններից մեկում բռնկված հրդեհից ՆԳՆ-ն նոր մանրամասներ է հայտնել։  

Ըստ նախնական տվյալների տեղի է ունեցել գազի պայթյուն՝ փլուզումով․ շենքի երրորդ հարկի բնակարաններից մեկում․ փլուզվել են 4-րդ, 3-րդ և 2-րդ հարկի բնակարանները։ Մասամբ փլուզվել են կից մուտքի բնակարաններ։

Կա 1 զոհ․ Ճամբարակի ԲԿ-ից ստացվել է տեղեկատվություն, որ 10 տուժած տեղափոխվել է բժշկական կենտրոն։

Կտրվի լրացուցիչ տեղեկատվություն։

Ըստ Shamshyan-ի կա 4 անհետ կորած։ Auroranews-ը ևս դեպքից մանրամասներ է փորձում ճշտել։ 

Ավելի վաղ հայտնել էինք, որ հունիսի 11-ին, ժամը 08։34-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ճամբարակ քաղաքի Գարեգին Նժդեհի փողոցի շենքերից մեկի բնակարաններից մեկում հրդեհ է բռնկվել։ ՀՀ ԱՆ-ից հայտնում են, որ հոսպիտալացվել է 9 տուժած, նրանք ստանում են անհրաժեշտ բուժօգնություն, այժմ հետազոտությունների փուլում են: