Մոսկվան Բաքվից նման ակնկալիք ունի․ Ռիա Նովոստի

Ռուսաստանը ակնկալում է, որ Ադրբեջանը կճանաչի ռուսական նոր շրջանները և Ղրիմը։ Այս մասին գրում է «Ռիա Նովոստի»-ն՝ անդրադառնալով ՌԴ նախագահի օգնական Վլադիմիր Մեդինսկու՝ Ղարաբաղի վերաբերյալ հայտարարություններին, ինչպես նաև Ադրբեջանի ԱԳՆ-ի արձագանքին։

«Ռուսաստանի նախագահի օգնական Վլադիմիր Մեդինսկու՝ Ղարաբաղի վերաբերյալ հայտարարություններին Ադրբեջանի ԱԳՆ-ի արձագանքի կապակցությամբ Մոսկվայում ակնկալում են, որ, հաշվի առնելով Ռուսաստանի Դաշնության և Ադրբեջանի Հանրապետության միջև հարաբերությունների դաշնակցային բնույթը, որը բարձր մակարդակով ամրագրված է 2022 թվականի փետրվարի 22-ի հռչակագրում, Բաքվում ավելի հավասարակշռված դիրքորոշում կգրավեն Ուկրաինայի շուրջ ստեղծված իրավիճակի վերաբերյալ, կճանաչեն ռուսական մոտեցումների արդարացիությունը Ղրիմի, Սևաստոպոլի, ԴԺՀ-ի, ԼԺՀ-ի, Զապորոժիեի և Խերսոնի շրջանների պատկանելության համատեքստում։

Ճիշտ այնպես, ինչպես Ռուսաստանը կասկածի տակ չի դնում Ադրբեջանի ինքնիշխանությունը Ղարաբաղի նկատմամբ»,-  գրել է գործակալությունը՝ հղում անելով իրազեկ աղբյուրին։

Հավելենք՝ ադրբեջանական զլմ-ները անդրադարձել են այս հրապարակմանը՝ այն անվանելով մանիպուլյացիա։