Կամ չի հասկանում, կամ չի ցանկանում հասկանալ իր պետության դիրքորոշումը․ Հաջիզադե
Դժբախտաբար, Ռուսաստանի նախագահի օգնականը համեմատում է ռուս-ուկրաինական պատերազմը Ղարաբաղում ստեղծված իրավիճակի հետ։ Նման համեմատությունը տեղին չէ, քանի որ Ադրբեջանը երբեք չի խախտել որևէ երկրի տարածքային ամբողջականությունը և չի մղել ագրեսիվ պատերազմ որևէ երկրի դեմ։ Այս մասին հայտարարել է Ադրբեջանի ԱԳՆ մամուլի քարտուղար Այխան Հաջիզադեն։
«Միևնույն ժամանակ, հարցականի տակ է այն, որ Մինսկի խմբի համանախագահ երկրի նախագահի օգնականը կամ չի հասկանում, կամ չի ցանկանում հասկանալ իր պետության դիրքորոշումը այս հարցում։ 2020 և 2023 թվականներին Ադրբեջանը Հայրենական պատերազմ և հակաահաբեկչական միջոցառումներ է իրականացրել իր ինքնիշխան և միջազգայնորեն ճանաչված տարածքներում։ 44-օրյա Հայրենական պատերազմը և 2023 թվականի հակաահաբեկչական միջոցառումները, որոնք տևել են 1 օրից պակաս, հանգեցրին Ադրբեջանի լիակատար հաղթանակին և Հայաստանի պարտությանը, իսկ Հայաստանի օկուպացիան դադարեցվեց միջազգային իրավունքի նորմերին և սկզբունքներին համապատասխան։
Խորհուրդ կտամ Մեդինսկուն չվնասել միջպետական հարաբերությունները՝ կեղծ պնդումներ անելով իր իրավասության սահմաններից դուրս գտնվող հարցերի վերաբերյալ»,- հայտարարել է Հաջիզադեն։
Հավելենք՝ ավելի վաղ հրապարակել էինք ևս մեկ գրառում՝ Ադրբեջանի ԱԳՆ-ի կոշտ արձագանքը ուղղաված Վլադիմիր Մեդինսկուն։
