Ալիևը համաձայնագիր է ստորագրել․ այդ երկրի քաղաքացիներն անարգել մուտք կգործեն Ադրբեջան

Ադրբեջանի և Չինաստանի քաղաքացիները ազատված են վիզա ստանալուց։ Այս մասին հայտնում են ադրբեջանական լրատվամիջոցները։

Ադրբեջանի նախագահ Իլհամ Ալիևը հաստատել է «Ադրբեջանի կառավարության և Չինաստանի Ժողովրդական Հանրապետության կառավարության միջև սովորական անձնագրեր ունեցող քաղաքացիների համար վիզաներից փոխադարձ ազատման մասին համաձայնագիրը»։

Նշենք, որ համաձայնագիրը ստորագրվել է Չինաստանի մայրաքաղաք Պեկինում։