Ռուսաստանը պատրաստ է կյանքի կոչել այդ պայմանավորվածությունները․ Պեսկով
Ռուսաստանը պատրաստ է կյանքի կոչել Ստամբուլում ձեռք բերված պայմանավորվածությունները։ Այս մասին հայտարարել է Կրեմլի պաշտոնական ներկայացուցիչ Դմիտրի Պեսկովը, գրում է «ՏԱՍՍ»-ը:
«Ռուսական կողմը մշտապես կատարում է ձեռք բերված պայմանավորվածությունները։ Ուկրաինացիների մասին նույնն ասել ես չեմ կարող», - հավելել է Ռուսաստանի նախագահի խոսնակը։
Հավելենք՝ Պեսկովն այս խնդրին անդրադարձել է՝ մեկնաբանելով ռազմական գործողությունների ընթացքում զոհված ուկրաինացի զինվորականների դիերի՝ Կիևին փոխանցման առաջին փուլի տապալումը։ Այն պետք է մեկնարկեր շաբաթ օրը, սական վերջին պահին հետաձգվեց Ուկրաինայի իշխանությունների նախաձեռնությամբ։
