Մինասյանը՝ սոցապնախարար նշանակվելու լուրերի մասին
Գյումրիի «Քաղաքացիական պայմանագիր» խմբակցության ղեկավար Սարիկ Մինասյանը հերքում է մամուլում շրջանառվող այն տեղեկությունները, ըստ որի ինքը նշանակվելու է սոցապնախարար այն դեպքում, երբ գերատեսչության այժմյան ղեկավար Նարեկ Մկրտչյանը գործուղվի ԱՄՆ դեսպան։ Այդ մասին Սարիկ Մինասյանն ասել է 24News-ի հետ զրույցում։
«Ես հայտարարել եմ, որ իմ մանդատը պահելու եմ և հօգուտ քաղաքիս ծառայեցնեմ, եթե լինի այնպիսի աշխատանք, որ կարողանամ համատեղել ավագանու անդամի գործունեության հետ, կընդունեմ»,- ասել է Մինասյանը։
Լրատվամիջոցը հետաքրքրվել է, իսկ առաջարկ եղե՞լ է, ինչին ի պատասխան Մինասյանն ասել է, որ ոչ և որ «ինքը նախարարի պաշտոնի ձգտում չունի»։
Հիշեցնենք, որ Սարիկ Մինասյանը ժամանակին ղեկավարել է Աշխատանքի և սոցիալական հարցերի նախարարության Միասնական սոցիալական ծառայության Գյումրու տարածքային կենտրոնը։
