Արմեն Աշոտյանը կմնա տնային կալանքի տակ
Հայաստանի հանրապետական կուսակցության փոխնախագահ Արմեն Աշոտյանի խափանման միջոցը` տնային կալանքը, այսօր երկարաձգվեց ևս 2 ամսով:
Դատավոր Վահե Դոլմազյանը մերժեց Աշոտյանի փաստաբանների միջնորդությունը` վերացնել տնային կալանքը։ ՀՀԿ փոխնախագահը տնային կալանքի տակ կմնա մինչև օգոստոսի 11-ը։
Հաջորդ դատական նիստը տեղի կունենա հունիսի 16-ին։
Հիշեցնենք՝ ՀՀԿ փոխնախագահին մեղադրանք է առաջադրվել դեռ 2022 թվականի նոյեմբերին՝ պաշտոնեական լիազորությունները չարաշահելու և փողերի լվացման համար։
