Մենք ստիպված կլինենք այլ կերպ գործել․ ԱՄՆ նախագահը՝ Իրանին

Իրանի իշխանությունները չպետք է զբաղվեն ուրանի հարստացմամբ, հակառակ դեպքում նրանց հետևանքներ են սպասվում Միացյալ Նահանգների կողմից։ Այս մասին հայտարարել է ԱՄՆ նախագահ Դոնալդ Թրամփը։ 

Լրագրողները  նրան խնդրել են մեկնաբանել Իրանի գերագույն առաջնորդ այաթոլլա Ալի Խամենեիի խոսքը, որը հայտարարել էր, թե իր երկիրը պետք է ուրան հարստացնելու հնարավորություն ունենա։

«Նրանք չեն հարստացնի ուրանը։ Եթե հարստացնեն, ապա մենք ստիպված կլինենք այլ կերպ գործել։ Եվ ես այնքան էլ չեմ ուզում դա այլ կերպ անել, բայց մենք այլընտրանք չենք ունենա։ Իրանում ուրանի որևէ հարստացում չի լինելու», - պատասխանել է Թրամփը։

Սակայն նա չի հստակեցրել, թե ինչ գործողությունների մասին է խոսքը։