Անպայման դատի կտամ․ Նիկոլ Փաշինյան

«Հրապարակ» թերթին անպայման դատի կտամ, որ ապացուցվի, որ ընտանեկան եւ հոգեւոր կյանքը ինձ համար արժեք ու սկզբունք են եւ ոչ թե մարդկանց մոլորեցնելու միջոց։ Այս մասին ֆեյսբուքում գրել է վարաչապետ Նիկոլ Փաշինյանը՝ անդրադառնալով թերթի՝ «Փաշինյանը դավաճանո՞ւմ է արդյոք կնոջը» վերտառությամբ հոդվածին։ 

«Այս առիթով նաեւ պնդում եմ, որ Գարեգին Բ կաթողիկոսը խախտել է կուսակրոնության ուխտը եւ զավակ ունի։

Թող Գարեգին Բ–ն էլ ինձ դատի տա հայտարարված արժեքներին եւ Կաթողիկոսի կարգավիճակին իր համապատասխանելիությունը ապացուցելու համար։

Հ․Գ․ Հայ առաքելական եկեղեցին մեր սրբությունն է, մեր ինքնությունը։ Չպիտի այլեւս հանդուրժենք այդ սրբությունը պղծողներին»,-գրել է վարչապետը։

Գրառմանը կից նա հրապարակել է հոդվածը։