Թրամփը հրամայել է հետաքննել Բայդենի նախագահության օրոք ընդունված մի շարք փաստաթղթեր
ԱՄՆ նախագահ Դոնալդ Թրամփը հանձնարարել է Սպիտակ տան իրավական խորհրդականին և գլխավոր դատախազին հետաքննել նախկին նախագահ Ջո Բայդենի ինքնաստորագրության օգտագործումը գաղտնի համաձայնության վերաբերյալ նախագահական հրամանագրերում, ասվում է ամերիկացի առաջնորդի փաստաթղթում, գրում է The New York Times-ը:
«Նախագահի խորհրդականը, գլխավոր դատախազի և ցանկացած այլ համապատասխան գործադիր գերատեսչության կամ գործակալության ղեկավարի հետ խորհրդակցելով, օրենքով թույլատրված չափով կհետաքննի, թե արդյոք որոշակի անձինք դավադրություն են կազմակերպել հանրությանը Բայդենի հոգեկան վիճակի վերաբերյալ մոլորեցնելու և նախագահական լիազորություններն ու պարտականությունները հակասահմանադրական կերպով իրականացնելու համար», - ասվում է փաստաթղթում։
Հավելենք՝ Թրամփի որոշման համաձայն՝ պետք է հետաքննություն անցկացվի այն մասին, թե երբ է Բայդենի ինքնաստորագրությունն օգտագործվել փաստաթղթեր ստորագրելու համար, այդ թվում՝ ներումներ, գործադիր հրամանագրեր, նախագահական հուշագրեր կամ այլ քաղաքական որոշումներ, և ով է հատուկ հրամայել օգտագործել ինքնաստորագրությունը։
