Գիտակցում ենք պահի լրջությունը. Տուսկ

Լեհաստանի վարչապետ Դոնալդ Տուսկը հայտարարել է, որ քվեարկության կդնի իր կառավարության վստահության հարցը:

Կիրակի օրը կայացած ընտրությունների արդյունքների հրապարակումից հետո՝ իր առաջին հրապարակային ելույթում, նա վստահեցրել է, որ կառավարությունն անհապաղ կանցնի գործի և կներկայացնի մի շարք օրենսդրական նախաձեռնություններ, որպեսզի վերականգնի կառավարության աշխատանքային տեմպը։

Տուսկը նշել է, որ կառավարությունն ունի «պահուստային ծրագիր» և հավաստիացրել է, որ ոչ մի պահ չի դադարի գործել՝ կրկնապատկելով օրենսդրական աշխատանքների ջանքերը։

Ցանկանում եմ, որ բոլորը՝ ներառյալ մեր ընդդիմախոսները թե՛ երկրի ներսում, թե՛ դրսում, տեսնեն, որ մենք լիովին գիտակցում ենք պահի լրջությունը, սակայն չենք պատրաստվում ետ քայլ կատարել»,- ասել է Տուսկը։