Այդ պայմանավորվածությունները կիրականացվեն. Պեսկով

ՌԴ նախագահի մամուլի քարտուղար Դմիտրի Պեսկովը հայտնել է, որ Ուկրաինայի վերաբերյալ ռուսական հուշագրի նախագիծը հրապարակելու որոշումը կայացրել է ՌԴ նախագահի օգնական Վլադիմիր Մեդինսկին, երբ փաստաթուղթը քննարկել է ուկրաինական կողմի հետ: 

«Դուք երեկ տեսաք այն հուշագրի նախագծի հրապարակված տեքստը, որը մենք փոխանցել ենք ուկրաինական կողմին։ Այն պարունակում է շատ դրույթներ, կա բազմակողմանիություն։ Սպասում ենք այդ հուշագրի արձագանքին», - ասել Է Պեսկովը։

Նրա խոսքով՝ Ստամբուլում ձեռք են բերվել որոշակի պայմանավորվածություններ.

«Որոշակի պայմանավորվածություններ ձեռք բերվեցին Ստամբուլում։ Դրանք կարևոր են... Այդ պայմանավորվածությունները կիրականացվեն, իսկ հետագայում աշխատանքը կշարունակվի»: