Էրդողանը՝ Թրամփի պատմական հայտարարության մասին

Թուրքիայի նախագահ Ռեջեփ Թայիփ Էրդողանը հայտարարել է առաջիկայում Սիրիա ուղիղ չվերթերի մեկնարկի մասին։ Այս մասին հայտնում են թուրքական լրատվամիջոցները:

«Մենք շատ գոհ ենք Եվրոպական երկրների կողմից ԱՄՆ նախագահ Դոնալդ Թրամփի պատմական հայտարարություններից հետո Սիրիայի դեմ պատժամիջոցները չեղարկելու որոշումից։ Սիրիական ավիաուղիները շուտով կսկսեն չվերթեր դեպի Թուրքիա։ Մեր AJet ընկերությունը ևս կանոնավոր չվերթեր կիրականացնի դեպի Սիրիա»,- ասել է նա։

Էրդողանը հավելել է, որ հավատում է՝ Սիրիայի կայունության և խաղաղության հաստատմանը զուգընթաց կշահեն նրա բոլոր հարևանները և տարածաշրջանի բոլոր երկրները։