ԱՄՆ-ը ներկայությունը մշտապես կլինի այդ կառայուցում. Մարկ Ռյուտե

ԱՄՆ-ը մտադիր չէ կրճատել իր ռազմական ներկայությունը Հյուսիսատլանտյան դաշինքի արևելյան թևում։ Այս մասին հայտարարել է Հյուսիսատլանտյան դաշինքի գլխավոր քարտուղար Մարկ Ռյուտեն Վիլնյուսում կայացած ամփոփիչ ասուլիսում, գրում է The New York Times-ը:

ՆԱՏՕ-ի Գլխավոր քարտուղարը նշել է, որ իրեն անընդհատ երկու հարց են տալիս՝ արդյո՞ք Միացյալ Նահանգները, որպես դաշինքի անդամ, դեռևս հավատարիմ է կոլեկտիվ անվտանգության իր պարտավորություններին, և արդյո՞ք նա դուրս կբերի իր զորքերը։

«Միացյալ Նահանգները հավատարիմ է մնում ՆԱՏՕ-ի կանոնադրության 5-րդ հոդվածով ստանձնած իր պարտավորություններին: Զորքերի դուրսբերման հարցում նման նշաններ չկան»,- պատասխանել է Ռյուտեն:

Հավելենք՝ Լեհաստանի նախագահ Անջեյ Դուդան նշել է, որ վերջին ամիսներին ինքը մի քանի առիթներով հնարավորություն է ունեցել զրուցելու ԱՄՆ նախագահ Դոնալդ Թրամփի և նրա թիմի հետ։

«ՆԱՏՕ-ի արևելյան թևից զորքերը դուրս բերելու ԱՄՆ-ի մտադրության մասին տեղեկություն չկա»,- ասել է Դուդան։