ՊՍԺ-ն պատմության մեջ առաջին անգամ՝ ՉԼ-ի գավաթակիր

Չեմպիոնների լիգայի խաղարկության 2024/25 մրցաշրջանի եզրափակիչում ֆրանսիական ՊՍԺ-ն Մյունխենի «Ալիանս Արենա» մարզադաշտում 5։0 հաշվով ջախջախեց Միլանի «Ինտերին»՝ պատմության մեջ առաջին անգամ նվաճելով եվրոպական ակումբային ֆուտբոլի ամենահեղինակավոր գավաթը։ Փոխանցում է Armsport-ը:

Սա առաջին դեպքն է, երբ գլխավոր եվրագավաթային մրցաշարի եզրափակիչում հաղթող թիմը 5 գոլի առավելություն է ունենում։

Հանդիպման հաշիվը բացվեց արդեն 12-րդ րոպեին: Աշրաֆ Հակիմին դարձավ առաջին ֆուտբոլիստը, որը Չեմպիոնների լիգայի եզրափակիչում գոլ է խփեց իր նախկին թիմի՝ «Ինտերի» դարպասը։ 

Երկրորդ խաղակեսում դուբլ ձևակերպեց 19-ամյա Դուե Դեսիրեն։ Նա դարձավ պատմության ամենաերիտասարդ խաղացողը, որը եզրափակիչում դարձավ է ինչպես գոլի, այնպես էլ գոլային փոխանցման հեղինակ։

Խաղի վերջնամասում մեկական անգամ էլ աչքի ընկան Խվիչա Կվարացխելիան և Սենի Մայուլուն։

Հայաստանի ազգային հավաքականի նախկին ավագ Հենրիխ Մխիթարյանը հանդիպումը սկսեց «ներաձուրիի» մեկնարկային կազմում և խաղադաշտում անցկացրեց 61 րոպե։