Պեսկովը` Մակրոնի կնոջ ապտակի մասին
Ռուսաստանի նախագահի մամուլի քարտուղար Դմիտրի Պեսկովը ճիշտ չի համարում Ֆրանսիայի նախագահ Էմանուել Մակրոնի ընտանեկան գործերին միջամտելը, բայց կարծում է, որ եթե կինը ապտակում է ամուսնուն, ուրեմն մի պատճառ կա։
«Համոզված եմ, որ մեր կողմից ճիշտ չէր լինի մեկնաբանել Մակրոնների ընտանեկան գործերը։ Մյուս կողմից, եթե կինը ապտակում է իր ամուսնուն, նա երբեք դա հենց այնպես չի անում։ Բայց կրկնում եմ` դա մեր գործը չէ»,-ասել է Պեսկովը «Ռոսիա 1»-ի լրագրող Պավել Զարուբինին տված հարցազրույցում։
Հիշեցնենք` միջադեպը տեղի է ունեցել մայիսի 25-ին Ֆրանսիայի նախագահի` Վիետնամ կատարած այցի ժամանակ։ Լրագրողների նկարահանած կադրերում երևում է ինքնաթիռից դուրս գալու պահը, երբ Բրիջիթ Մակրոնը ձեռքով կտրուկ հրում է ամուսնուն։ Այնպիսի տպավորություն է, որ ապտակում է։
