Արթուր Դավթյանը՝ եռակի ոսկե մեդալակիր

Հայաստանի սպորտային մարմնամարզության հավաքականի առաջատար, Օլիմպիական խաղերի արծաթե և բրոնզե մեդալակիր, աշխարհի չեմպիոն Արթուր Դավթյանը կարիերայում երրորդ անգամ հռչակվել է նաև Եվրոպայի չեմպիոն:

Armsport.am-ի տեղեկացմամբ, Գերմանիայի Լայպցիգ քաղաքում ընթացող առաջնության հենացատկի եզրափակչում Դավթյանը փայլուն ցատկով հավաքել է 14,799 միավոր և դարձել ոսկե մեդալակիր:

Դավթյանը Եվրոպայի չեմպիոն էր դարձել նաև 2021, 2023 թվականներին:

Ավելի վաղ` Հայաստանի սպորտային մարմնամարզության հավաքականի անդամներից Համլետ Մանուկյանը դարձել էր ԵԱ-ի ոսկե, Մամիկոն Խաչատրյանը` արծաթե, իսկ Արթուր Ավետիսյանը` բրոնզե մեդալակիր: