Ես էլ կտամ այդ որակումը նման սրբապիղծ եկեղեցականներին. Արթուր Հովհաննիսյան
Անդրադառնալով ընդհանուր թեմային, այսպիսի հարց պետք է հնչեցնեմ, որ այսինքն կարելի է լինել կուսակրոն և այլասերված, և դա նորմալ է, բայց երբ որ դրա մասին խոսում ենք, դա նորմալ չէ, մենք այս դիտանկյունից պետք է հարցին նայենք, քաղաքական խոսույթին և խոսույթին առհասարակ, այո, կարող են լինել նաև նման սուր արտահայտություններ և որակումներ, և ես էլ կտամ այդ որակումը նման սրբապիղծ եկեղեցականներին։ Այս մասին մամուլին ասուլիսի ժամանակ ասել է ՔՊ խմաբկցության քարտուղար Արթուր Հովհաննիսյանը:
«Յոթ տարի է, ամենավերջին բառամթերքով, ամենալկտի պահվածքով, կրոնի և սրբության հետ կապ չունեցող վարքագծով, թիրախավորում են Հայաստանի Հանրապետության պետականություն ու նաև հայ ժողովրդին, մենք էդ բոլոր սրբապիղծների դիմակը հերթով պատռելու ենք, անուն առ անուն: Նորից եմ կրկնում, եթե կան որոշ շրջանակներ, որոնց համար սրբապիղծ կյանքով ապրելը նորմալ է, իսկ դրա մասին խոսելը նորմալ չի, ես նրանց հաջողություն եմ մաղթում իրենց հետագա կյանքում:
Ձեր մյուս հարցին միանշանակ պետք պատասխանեմ ոչ, այդ համեմատականը տվյալ սրբապիղծ անձնավորության հետ անհամատեղելի է և անընդունելի է ինձ համար»,- ասել է Հովհաննիսյանը:
