Բիզնես դասի ինքնաթիռն ընկել է բնակելի թաղամասի վրա. ԱՄՆ
Cessna 550 բիզնես դասի մասնավոր ինքնաթիռը ընկել է ԱՄՆ-ի Կալիֆոռնիա նահանգի Սան Դիեգո քաղաքի բնակելի թաղամասի վրա:
Պատահարի հետևանքով մի քանի մարդ է զոհվել, շենքեր են հրդեհվել: Արդյունքում՝ հրդեհվել է 15 շենք:
Ամերիկյան լրատվամիջոցների տեղեկություններով՝ բոլոր տուժածները եղել են ինքնաթիռում: Միջադեպի տարածքում գետնի վրա գտնվողների թվում զոհեր և վիրավորներ չկան։ Դեռևս տեղեկություններ չկան, թե քանի մարդ է զոհվել և հայտնի չէ ինքնաթիռում գտնվողների ընդհանուր թիվը։
Նշվում է, որ Սան Դիեգոյում միջադեպի պահին շատ խիտ մառախուղ է եղել։ Փրկարարներն աշխատում են դեպքի վայրում՝ իրականացնելով որոնողափրկարարական և փորձաքննության գործողություններ։
