Մեծ հերոսություն է մեկ տարի նստելը, թե իշխանություններն են ինձ ռեկլա՞մ անում․ Սարգսյան
Լրագրողի դիտարկմանը, թե, ըստ Քոչարյանի թիմակիցների, 2018թ․ «մերժեցին» Սերժ Սարգսյանին, բայց կալանավորեցին Ռոբերտ Քոչարյանին, երրորդ նախագահն արձագանքել է.
«Այսինքն, ի՞նչ է մեծ հերոսություն է մեկ տարի նստելը։ Իմ գործընկերները, որ նստած են կամ տարիներով նստել են, Արմեն Աշոտյանինն արդեն երկու տարին անցնում է։ Էդ, որ ես տարիներով դատարանների դռներին քարշ եմ գալիս, ուրեմն ինչ, իշխանություններն ինձ ռեկլա՞մ են անում»,- հայտարարել է Սարգսյանը։
Սերժ Սարգսյանը, խոսելով վարչապետին անվստահություն հայտնելու գործընթացից, նշել է, որ պաշտպանում են գաղափարը՝ ելնելով հետևյալ սկզբունքներից․
«Մենք՝ ընդդիմությունը, առնվազն հինգ տարի հայտարարում ենք, որ այսօրվա կառավարիչների՝ մեկ օր ավել մնալը վնասում է երկրի շահերին։ Էդ ի՞նչ պատահեց, որ հիմա էլ ասում են՝ չէ, մի տարի էլ սպասենք, ընտրությունները գան։ Դուք՝ ոչ, բայց իմ տարիքի մարդիկ գիտեն, որ բազմաթիվ են դեպքերը նորագույն պատմության մեջ, որ գնացել ենք իրադարձությունների, որոնք շատ-շատերի կարծիքով հավանական չէին, բայց հաջողությամբ են պսակվել»,- ասել է նա։
