Երկու ինքնաթիռ չեն կարողանում վայրէջք կատարել «Զվարթնոց»-ում

Երկու ուղևորատար ինքնաթիռ չեն կարողանում վայրէջք կատարել «Զվարթնոց» միջազգային օդանավակայանում: Այս մասին տեղեկանում ենք Flightradar–ի տվյալներից։

Մասնավորապես, Հայաստանի երկնքում պտտվում է «Air Arabia» ավիաընկերության Airbus Ա320 օդանավը, որը մեկնել էր Շարժայից` ԱՄԷ:

Մոսկվա–Երևան չվերթն իրականացնող «Շիրակ ավիայի» Boeing 737 ինքնաթիռը նույնպես չի կարողանում վայրէջք կատարել Երևանի օդանավակայանում։

Sputnik Արմենիային «Զվարթնոց» միջազգային օդանավակայանի մամուլի ծառայությունից հայտնեցին, որ ինքնաթիռները չեն կարողանում վայրէջք կատարել ուժեղ քամու պատճառով։

«Այս պահին Շարժայից եկող ինքնաթիռը չի կարողանում վայրէջք կատարել «Զվարթնոցում», ևս մեկ ինքնաթիռ սպասում է թռիչքի»,– նշեցին օդանավակայանից:

ԼՐԱՑՈՒՄ․ Մոսկվա-Երևան չվերթը վայրէջք կատարեց «Զվարթնոց» օդանավակայանում։

Շարժա–Երևան ինքնաթիռը վայրէջք է կատարել Թավրիզում: Քամու պատճառով Երևանում չիջած ինքնաթիռը, ամենայն հավանականությամբ, կես ժամից Թավրիզից կթռչի ՀՀ մայրաքաղաք։