Փրկարարները ծանր տեխնիկա են մոտեցրել Մարմարիկ գետին
Ուղիղ մեկ շաբաթ է՝ Մարմարիկում հարազատները փրկարարների, ոստիկանների ու քաղաքացիների հետ որոնում են 2–ամյա Տիգրանին։
ՆԳՆ-ից հայտնում են, որ այսօր վաղ առավոտից կրկին սկսվել են որոնողական աշխատանքները։
Աշխատանքները տարվում են ինչպես գետի երկայնքով ու ջրամբարում, այնպես էլ գյուղում և հարակից տարածքներում։ Փրկարարական և ոստիկանական մեծաքանակ ուժեր կան ներգրավված։ Զուգահետ ստուգվում են բոլոր վարկածները, անձանց հետ զրույցներ են տարվում, մեքենաներ են ստուգվում։
News.am-ի փոխանցմամբ՝ փրկարարներն անգամ ծանր տեխնիկա են մոտեցրել գետին, դուրս են բերում խողովակներն ու մեծ քարերը։
Հիշեցնենք՝ փոքրիկը կորել էր անցած կիրակի, մինչև այս պահը նրա գտնվելու վայրն անհայտ է։ Կասկած կա, որ երեխան անզգուշաբար ընկել է իրենց տան մոտով անցնող Մարմարիկ գետը։
