Հայտնի է՝ ով է նոր Հռոմի Պապը
Կարդինալ Դոմինիկ Մամբերտին Սուրբ Պետրոսի տաճարի պատշգամբում հայտարարել է Հռոմի նոր Պապի մասին: Հայտնում է Vatican News-ը:
«Հռոմի կաթոլիկ եկեղեցու ղեկավար է դարձել ամերիկացի կարդինալ Ռոբերտ Պրևոն։ Նա ընդունեց Լեո XIV անունը»,- հայտարարել է նա։
Հավելենք՝ Կոնկլավը, որի ժամանակ ընտրվում էր Հռոմի նոր Պապ, սկսվել է մայիսի 7-ին։ Առաջին փորձից կարդինալները չկարողացան կողմնորոշվել ընտրության հարցում, Հռոմի Պապի պաշտոնի հավակնորդը պետք է ստանար ձայների երկու երրորդը: Այնուհետև նա հաստատում է Պետրոսի գահը ընդունելու իր համաձայնությունը և ընտրում պապական անունը։
Հեռուստաալիքի տվյալներով՝ Հռոմի Պապի պաշտոնի հավակնորդներ են դիտարկվել վեց հիմնական թեկնածուներ: Նրանք ներկայացնում են ԱՄՆ-ը, Իտալիան, Շրի Լանկան և Աֆրիկայի երկրները:
Հիշեցնենք՝ մայիսի 8-ին Վատիկանի Սիքստինյան մատուռի խողովակից սպիտակ ծուխ է դուրս եկել, ինչը նշանակում է Հռոմի նոր Պապի ընտրությունը:
