Սա պատերազմի սկիզբն է, վճռական պատասխանն արդեն տրվել է. Պակիստանի վարչապետ
Պակիստանի վարչապետ Շահբազ Շարիֆը Հնդկաստանի հարձակումն անվանել է պատերազմի սկիզբ: Այս մասին նա գրել է X սոցցանցի իր էջում։
«Պակիստանը լիովին իրավունք ունի վճռականորեն արձագանքել Հնդկաստանի կողմից պարտադրված այս պատերազմին, և վճռական պատասխանն արդեն տրվել է»,- ասվում է գրառման մեջ:
Վարչապետի խոսքով՝ Հնդկաստանի հարվածներին են ենթարկվել Պակիստանի տարածքում գտնվող հինգ բնակավայրեր։
Հիշեցնենք՝ Հնդկաստանի պաշտպանության նախարարությունից հայտնում են, որ իրենց Զինված ուժերը սկսել են «Սինդուր» գործողությունը և հարվածներ են հասցրել Պակիստանի տարածքում գտնվող ահաբեկչական ենթակառուցվածքներին:
