Գիշերը թեժ է եղել. Հնդկաստանն ու Պակիստանը փոխադարձ հրթիռային հարվածներ են հասցրել միմյանց
Հնդկաստանի պաշտպանության նախարարությունից հայտնում են, որ իրենց Զինված ուժերը սկսել են «Սինդուր» գործողությունը և հարվածներ են հասցրել Պակիստանի տարածքում գտնվող ահաբեկչական ենթակառուցվածքներին, այս մասին հայտնում է հնդկական News 18 հեռուստաալիքը:
«Հարվածները հասցվել են Պակիստանի տարածքում գտնվող ահաբեկչական ենթակառուցվածքներին: Մեր կողմից ոչ մի ռազմական օբյեկտ հարձակման չի ենթարկվել: Գործողությունները եղել են նպատակային և կշռադատված»,- ասվում է հաղորդագրության մեջ:
Ստեղծված իրավիճակին ի պատասխան Իսլամաբադը 48 ժամով փակել է օդային տարածքը, ինչպես նաև պատասխան հրթիռային հարձակում է իրականացրել Հնդկաստանի թիրախների ուղղությամբ:
Հավելենք՝ Պակիստանում ահաբեկիչների ճամբարներին հասցված հարվածների հետևանքով առնվազն 12 ահաբեկիչ է զոհվել, 55-ը՝ վիրավորվել:
Պակիստանի բանակը հայտարարել է, որ առնվազն 8 խաղաղ բնակիչ է մահացել, 35-ը՝ վիրավորվել հնդկական զորքերի հարվածների հետևանքով: Հնդկական կողմն, իր հերթին, նշել է 3 բնակչի մահվան մասին:
