Նրանք այլևս պատերազմ չեն ուզում. մենք դադարեցնում ենք ռմբակոծությունը. Թրամփ

ԱՄՆ-ը դադարեցնում է Եմենում ռմբակոծությունը: Այս մասին հայտարարել է ԱՄՆ նախագահ Դոնալդ Թրամփը, ճեպազրույցի ժամանակ, գրում է «ՏԱՍՍ»-ը:

«Մենք երեկ շատ լավ լուր ունեցանք։ Հութիները հայտարարել են, որ այլևս չեն ցանկանում պատերազմել: Եվ մենք դա հարգում ենք։ Մենք կդադարեցնենք ռմբակոծությունները»,- ասել է նա:

ԱՄՆ նախագահի խոսքով՝ նրանք հայտարարել են, որ կդադարեցնեն հարձակումները նավերի վրա:

«Ես կընդունեմ նրանց խոսքը: Եվ մենք դադարեցնում ենք հութիների դեմ ռմբակոծումը՝ անմիջապես»,- հայտարարել է Թրամփը։

Ավելի վաղ հայտնել էինք, որ ԱՄՆ-ն և Իսրայելը համատեղ հարվածներ են հասցրել Հոդեյդա քաղաքին և Եմենի մայրաքաղաք Սանային, որոնք գտնվում են հութիների վերահսկողության ներքո՝ ի պատասխան այդ տարածքում իշխող «Անսար Ալլա» շարժման կողմից Թել-Ավիվի Բեն Գուրիոն օդանավակայանի հրթիռակոծման և դեպի Իսրայել քաղաքացիական ավիացիայի թռիչքներն ամբողջությամբ դադարեցնելու սպառնալիքների: