Եմենը ամբողջ գիշեր ռմբակոծվել է. կան զոհեր և վիրավորներ
Եմենի արևմուտքում գտնվող Հոդեյդա քաղաքում ամբողջ գիշեր գործարաններից մեկի ուղղությամբ ԱՄՆ-ի և Իսրայելի ավիահարվածներից կան զոհեր և վիրավորներ: Այս մասին հայտնում է Al Masirah հեռուստաալիքը:
Նախնական տվյալներով՝ «երկու զոհ և 42 վիրավոր Եմենի արևմուտքում գտնվող Հոդեյդա նահանգի Բաջել շրջանում տեղի ունեցած հարձակման, ավելի ճիշտ, ամերիկա-իսրայելական ագրեսիայի հետևանքով»:
Ավելի վաղ հայտնել էինք, որ ԱՄՆ-ն և Իսրայելը համատեղ հարվածներ են հասցրել Հոդեյդա քաղաքին և Եմենի մայրաքաղաք Սանային, որոնք գտնվում են հութիների վերահսկողության ներքո՝ ի պատասխան այդ տարածքում իշխող «Անսար Ալլա» շարժման կողմից Թել-Ավիվի Բեն Գուրիոն օդանավակայանի հրթիռակոծման և դեպի Իսրայել քաղաքացիական ավիացիայի թռիչքներն ամբողջությամբ դադարեցնելու սպառնալիքների:
